Алматы қаласы Түрксіб ауданы № 142 ЖББ мектебінде «Қазақтың ұлттық ойындары» тақырыбында өткізілген спорттық жарыстың есебі

15 желтоқсан күні №142 ЖББ мектебінде Қазақстан Республикасының Тәуелсіздігіне орай,6-сыныптар арасында мектептіңденешынықтырупәні мұғалімдерінің ұйымдастыруымен «Қазақтың ұлттық ойындары» тақырыбында спорттық жарыс өткізілді. Жарысқа 5 команда қатысты. Жарыс Қазақстан Республикасының Гимнін орындаудан басталды. Жарысқа қатысушыларға мектеп директоры Қуатова Ақылсара Мергенбаевна сәттілік тіледі. Әр команданың аты, ұраны болды. Жарыс төмендегідей қазақтың ұлттық ойындарынан тұрды:

«Арқан тартыс»
«Тұмақ ұру»
«Бұқа тартыс»
«Асық ату»
«Бәйге»

Осы аталған ұлттық ойындар оқушыларды ептілікке,шапшаңдыққа, жылдамдыққа үйретеді. Жарыс қазақ халқының ұлттық ойындарын насихаттауға, салауатты өмір салтын сақтауға бағытталған. Сонымен қатар, әділ- қазылар жарыстың қорытындысын шығарғанша оқушылардың орындауында қазақ биі биленіп, «Адай» күйі ойналды. Жарыс соңында жеңген командалар алғыс хаттармен марапатталды.